Armancên malpera Edîp Karahan

 

Ji demeke dirêj û vir de ye ku li ser malpereke bi vî rengî dihate fikirandin, lê mixabin ku heta niha ew bi ser neketibû. Sebebên biserneketina wê hene helbet, lê bila ew jî wek wan sebeban be ku me heta niha di warê lêbixwedîderketina hin hijayiyên xwe de kirine. Ev xemsarî ye, tiralî ye, sersarî ye, hûn kîjan navî lê dikin, hûn serbest in. Ev jî kêmaniyeke me ye, em çi bikin? Lê teva hemû kimaniyên xwe jî îroj em bi we re ne. Ya baþ ew e ku em mihasebeya vê yeka hanê hewaleyî wîcdanê rûpelên dîrokê bikin. Dibe ku rêya herî rehet jî ev be.

 

Em Edîp Karahanî mîna hêjahiyekî hemû kurdan dibînin, loma jî em naxwazin ku wî bikin malê tu grûp, malbat, eþîr û partiyan. Ji xwe gava mirov li jiyana wî ya þoreþgeriya di rêya kurdayetiyê de dinêre, ew qet nebûya endamê tu rêxistinên kurdan yên îlegal (ya jî bi qandî ku em dizanin, weha ye). Wê xusûsiyeta wî hiþtiye ku îroj,  bêîstisna her kurdekî/e ku di derheqê wî de rûdine, bi awayekî eþkere qala mêrxasî, rastgotinî û rewþenbîriya wî dike û herweha, qala çepîtiya wî dike ku ew di warê kurdayetiyê de çi qasî bêtahwîz bûye. Li gora van xusûsiyetên Edîp Karahanî, mirov hêvî dikir ku kurdan ew mîna hêjayiyekî xwe yê miletî qebûl kiribûya û bi qelsî bûya jî xwedîtî lê kiribûya. Ji ber ku gava em li fikir û perspektîfên wî yên di dema xwe de dinêrin û em wan didin ber yên îroj, mirov pir bi eþkereyî dibîne ku ew fikirên wî, vê gavê jî aktuel in û mirov dikare bi berfirehî jê îstifade bike. Gava ku mirov van hêlên wî dibîne û lê difikire ku kurd heta bi vê gavê jî li þexsiyetekî xwe yê weha bixwedî derneketine, mirov piçekî reþbîn dibe.

 

Gava ku em li girafîka wî ya rawestandina li hemberî neheqiyên serdestên Kurdistanê temaþe dikin û helwêstên ku wî di pratîka xwe ya tekoþîna li ser rêya kurdaweriyê de daniye, kêmaniyeke ku em ji tevger û rawestandina wî ya li hemberî neheqiyan bibînin, tune ye. Wî hergav li dijî sistema çavsoriyê þerê demokrasî û azadiyê bi pêþ de daye û ji bona wan mexsedan bedelên giran jî dane. Ew yek ji wan kesan e ku cara pêþî di mahkemeyên dewleta Tirkiyeyê de mistemlekebûyina Kurdistanê parastiye. Hûn ê di parsatinên wî de jî bibînin ku wî bi tu awayî serî li ber dadgehên çavsoran daneniye.

 

Hîn di wê xortaniya xwe de, hemû menfeetên  xwe li hêlekê danine û xwe fedayî tekoþîna neteweya kurd kiriye. Wî malbata xwe, eþîra xwe, xwendin û terfiyên xwe li hêlekê danîne û li ser rêya doza kurdayetiyê þûrê xwe li hemberî zulma zaliman, bi awayekî kurdî kiþandiye. Hewceyî ku em van xusûsiyetên wî bi dirêjahî binivîsînin tune ye, ji xwe hûn ê di nivîsên wî de û di nivîsên ku li ser wî hatine nivîsîne de jî bibînin. Bi tenê, em dixwazin bala we bikiþînin ser mihasebeyeke di warê wefadariya lêbixedîderketina hêjahiyiyên xwe de.

 

Yek ji wan armancan ew e ku me ev malpera hanê (bi derengî be jî) hazir kiriye da em þexsiyetekî mîna Edîp Karahanî careke din di bîra kurdan de bînin û qirnê nuh ji fikir, helwêst û perspektîfên wî bê par nehêlin. Ji ber ku di ser wefata wî re 28 sal derbas bûne û xortên nuh nizanin ku di demeke dîrokê de mirovên weha li ser rêya kurdayetiyê çi kirine û xwestine çi bikin û çi dabûn ber xwe û çi zahmetî kiþandine. Hêviya me ew e ku ev xebata hanê bikare alîkariyê bike da perçeyek ji dîroka kurdan ya binaxkirî derkeve meydanê.

 

Mexsedeke din jî ji vê xebatê ew e ku hin kesên di derheqê Edîp Karahanî de xwedî agahdarî ya jî xwedî fikir bin ku bixwazin hin tiþtan binivîsînin, an jî hin malzeme di destê wan de hebin (nivîs, wêne, bîranîn, belge û serpêhatî) da bikarin li edresa vê malperê kom bibin û ew tiþtên hanê ji bona xizmeta neslên nuh bên pêþkêþ kirin e. Bi vê minasebetê, em dixwazin ji hemû hemwelatiyên Kurdistanê rica bikin ku tiþtekî di derheqê Edîp Karahanî de di destê kê de hebe, bila ji kerema xwe re têkiliyê bi me re deynin da em jî karibin wan tiþtan bi awayekî efektîfî têxin xizmeta kurdên xwedî bîr û bawerî û xwedî wîcdan.

 

 >>Ji bo têkiliyê vê derê bitikînin<<